راشه په خیال مې راخپره شه، چې غزل ولیکم
د سترګــوتورکې مې دېره شه، چې غزل ولیکم
ښکالو د مینې دې کــړه بره بیا دهیـــــلو په باغ
مړاو ګلــــونوته وږمــــه شه، چې غزل ولیکم
صنم صنم څیره دې بیــا د زړه معبـد کې کیږده
زما منـدر،زما کعــبه شـــه، چې غـــزل ولیکم
د دیدارتږی،د وصال وږی، له ژونــده ســـتړی
ته مې سکون، آرام ،اسره شه،چې غـزل ولیکم
زمــــــا اغـــــزوته د بهـــارګامــونه نه تیرېږي
ته مې غوټۍ ته مې غنچه شه چې غـزل ولیکم
۱۶/ ۰۴/ ۲۰۱۰
ویسبادین
اسدالله زمری |
