غــــــزل
شـپه ترسهــاره د شـوګيـــرملګرتيــا پــاتې نه ده
د خنـدا ډېر دي خــو د وير ملګـــرتيـا پاتې نه ده
ته رانه اوس هـــم د رقيب دلــه پـوښـــتنه کــوې
شـکر زمــا او د خنــزيـرملګــرتيـــا پــاتې نه ده
غلا کې شريک دي هريوخپـله خپـله برخه اخلي
ددې پــاچــا او د وزيـر ملګــــرتيـــا پــاتې نه ده
اوس ترې ګردونه څنډل شوي په اوږه ګرځيږي
اوس د شــلخي ټوپک اوتيرملګرتيـــا پـاتې نه ده
يوورځ به پټه خوله درواچوي اووبه دې خـوري
ګوره د ســـپي او د فقـــير مــلګرتيــا پـاتې نه ده
«ځــــوابه» ته پکـې په څـــو تنو حساب مـه کوه
نــور د وجـدان او د ضـميرملګرتيــا پـاتې نه ده
|
