غـــــزل
د شوخه شـوري چې خــبرې کوي
باڼـــه يې اوري چې خـــبرې کوي
يا لوپټه مروړي يا شــونډې چيچي
لفظــونه زوري چې خبــرې کوي
د پرهرونو ژبې ګــونګې ښــه دي
د سترګــو توري چې خبـرې کوي
د خلکو يره يې په ستـرګو کې وي
چاپیره ګــوري چې خـــبرې کوي
د چنـــار ســيوري له هيبـــته رپي
د بڼــو ســيوري چې خــبرې کوي
د انتظار مـزه په هغــه شــــپه وي
شوګير اوستوري چې خبرې کوي
رنګ د رنګينـــو لوپټـــــــو يادوي
مين سر توري چې خــــبرې کوي
|
